◆曾寶儀與受訪者話當年。
香港文匯報訊（記者 梁靜儀）曾寶儀借受訪者經歷爆父母相識經過，指寶媽十幾歲隨歌舞團來港而識爸爸曾志偉。
一連十集由曾寶儀主持的《香港人的台式生活》，今個星期兩位受訪者，都在台灣從事飲食業，有家族傳承事業，亦有半途出家。
被訪者之一Ken許，原本在香港、澳洲都經營餐飲業，5年前到台灣接手父親經營多年的茶餐廳生意。許氏夫婦同囝囝Ken，帶寶儀去到他們在西門町的老店。許爸爸講到1997年因為金融風暴，所以想轉環境，加上許媽媽是台灣人，順理成章揀了台灣落腳，一住到現在。而許氏夫婦相識經過，更嚇了寶儀一跳，還問「你係咪認識我阿媽，佢以前都係歌舞團，都係去香港唱歌識我阿爸（曾志偉）。」寶儀指許氏夫婦的故事跟自己父母交往經過一樣的，並爆料話︰「媽咪都係去香港唱歌識我阿爸，嗰時香港好流行聽國語歌，阿媽嗰時十幾歲、未成年就去咗香港唱歌，識咗我爹哋，然後留喺香港，然後有咗我同阿妹，同uncle、auntie個故仔好似。」